Hedding : SSLC Annual Examination Question Paper and Model Answers for First Language Kannada Subject held on 21-03-2025....
SSLC ವಾರ್ಷಿಕ ಪರೀಕ್ಷೆಯ ತಯಾರಿಗಾಗಿ 👇👇👇👇👇👇👇👇👇👇👇👇👇👇👇👇
ಎಸ್ಎಸ್ಎಲ್ಸಿ ಪರೀಕ್ಷೆ ಬರೆಯಲಿರುವ ವಿದ್ಯಾರ್ಥಿಗಳಿಗಾಗಿ ಈ ಲೇಖನ. ವಿಷಯವಾರು ಹೇಗೆ ಓದಬೇಕು, ನೋಟ್ಸ್‌ ಹೇಗೆ ಮಾಡಿಕೊಳ್ಳಬೇಕು, ಹೆಚ್ಚು ಅಂಕಗಳಿಸಲು ಓದುವ ವಿಧಾನ ಹೇಗಿರಬೇಕು ಎಂದು ಇಲ್ಲಿ ತಿಳಿಸಲಾಗಿದೆ.
ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಲಿಯೂ ಈ ಬಾರಿ ಎಸ್ಎಸ್ಎಲ್ಸಿ ವಾರ್ಷಿಕ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಿಗೆ ಭರ್ಜರಿ ಗುಡ್‌ ನ್ಯೂಸ್‌ ನೀಡಿದೆ. ಈ ಬಾರಿ ಪರೀಕ್ಷೆ-1, ಪರೀಕ್ಷೆ-2, ಪರೀಕ್ಷೆ-3 ಎಂದು ಮೂರು ಪರೀಕ್ಷೆಗಳನ್ನು ಮಂಡಲಿ ನಡೆಸುತ್ತಿದೆ. ಅಂದಹಾಗೆ ಈ ರೀತಿಯ ಮೂರು ಪರೀಕ್ಷೆಯು ವಿದ್ಯಾರ್ಥಿ ತಾನು ಪರೀಕ್ಷೆ ಬರೆದು ನಿರೀಕ್ಷಿತ ಫಲಿತಾಂಶ ಪಡೆಯದಿದ್ದಲ್ಲಿ, ತಮ್ಮ ಅಂಕಗಳನ್ನು ಹೆಚ್ಚಿಸಿಕೊಳ್ಳಲು ಈ ಪರೀಕ್ಷೆ ಬರೆಯಬಹುದು. ಒಂದು ವೇಳೆ ಎರಡು ಅಥವಾ ಮೂರನೇ ಬಾರಿ ಪರೀಕ್ಷೆಗಳನ್ನು ಬರೆದರೆ, ಮೂರರಲ್ಲಿ ಯಾವುದು ಹೆಚ್ಚು ಅಂಕಗಳನ್ನು ಹೊಂದಿರುತ್ತದೋ ಆ ಫಲಿತಾಂಶವನ್ನು ಆಯ್ಕೆ ಮಾಡಿಕೊಳ್ಳಬಹುದು.
*ಎಸ್. ಎಸ್. ಎಲ್. ಸಿ. ಮಕ್ಕಳಿಗೆ ಗಣಿತ ಹೊರೆಯಾಗದಿರಲಿ*
ಪ್ರೀತಿಯ ಮಕ್ಕಳೇ ಮತೊಮ್ಮೆ ಪರೀಕ್ಷೆ ಬರುತ್ತಿದೆ. ಅದೂ ಪಬ್ಲಿಕ್ ಪರೀಕ್ಷೆ. ಹೌದು ನಿಮಗಿದು ಹೊಸತು. ಆದರೆ ನಮಗೆ ಪ್ರತಿ ಬಾರಿಯಂತೆ ಇದು ಮಾಮೂಲಿ. ನೀವು ನಿಮ್ಮ ಶಾಲೆಯಲ್ಲಿ ಬರೆದ ಪರೀಕ್ಷೆಗಳಿಗೆ ಲೆಕ್ಕವಿಲ್ಲ. ಇದು ಅದಕ್ಕಿಂತ ಭಿನ್ನವೇನೂ ಅಲ್ಲವೇ ಅಲ್ಲ. ಪರೀಕ್ಷೆಯ ಸ್ಥಳ ಮತ್ತು ಪರೀಕ್ಷೆ ಮಾಡುವ ವ್ಯಕ್ತಿಗಳ ಬದಲಾವಣೆ ಹೊರತು ಪಡಿಸಿದರೆ ಹಿಂದಿನ ರಾಜ್ಯ ಮಟ್ಟದ ಪೂರ್ವ ಸಿದ್ದತಾ ಪರೀಕ್ಷೆಗೂ ಈ ಪರೀಕ್ಷೆಗೂ ಏನೇನೂ ಬದಲಾವಣೆ ಇರದು. *ಆದ್ದರಿಂದ ಭಯ, ಆತಂಕ, ದುಗುಡಗಳಿಲ್ಲದೆ ಪರೀಕ್ಷೆ ಬರೆಯಿರಿ* ಒಂದಂತೂ ಸತ್ಯ ನೀವು ಪ್ರಮಾಣಿಕವಾಗಿ ಪರೀಕ್ಷೆ ತಯಾರಿ ನಡೆಸಿ, ಬರೆದರೆ ನಿರೀಕ್ಷೆ ಮಾಡಿರುವುದಕ್ಕಿಂತ ಹೆಚ್ಚು ಅಂಕ ಖಂಡಿತಾ ಬರುತ್ತದೆ. ಹಾಗಾಗಿ ಧೈರ್ಯವಾಗಿ ಪರೀಕ್ಷೆ ಬರೆಯಿರಿ.
ಅಂದವಾದ ಬರಹ, ಅದರಲ್ಲಿ ಸ್ವಲ್ಪ ತಿರುಳು ಅಧಿಕ ಅಂಕ ತಂದು ಕೊಡುವುದು ನಿಸ್ಸಂಶಯ. ಅದರಲ್ಲೂ ಗಣಿತ ವಿಷಯದಲ್ಲಿ ಸ್ವಲ್ಪ ಯೋಚನೆ ಮತ್ತು ಯೋಜನೆ ನಿಮ್ಮಲ್ಲಿದ್ದರೆ ಉತ್ತಮ ಅಂಕ ಪಡೆಯುವುದು ಕಷ್ಟವಲ್ಲ. ಒಟ್ಟು 14 ಪಾಠಗಳ ಕಲಿಕೆ ಕ್ರಮ ಬದ್ಧವಾಗಿದ್ದರೆ ಗಣಿತ ಇತರ ವಿಷಯಗಳಿಗಿಂತ ಸುಲಭ ಆಗಬಲ್ಲುದು.
*ಇದೀಗ ಗಣಿತದಲ್ಲಿ ಕನಿಷ್ಠ ಉತೀರ್ಣ ಗೊಳ್ಳಲು ಕಡೆ ಕ್ಷಣದಲ್ಲಿ ನಿಮ್ಮ ಕಲಿಕೆ ಹೇಗಿರಬೇಕು? ಈ ಬಗ್ಗೆ ಕೆಲವು ಟಿಪ್ಸ್ ಗಳನ್ನು ಕೊಡುತ್ತಿದ್ದೇನೆ*
1️⃣ ಒಂದು ಅಂಕದ ಬಹು ಆಯ್ಕೆಯ
. 8 ಪ್ರಶ್ನೆಗಳಲ್ಲಿ ಕನಿಷ್ಠ 4
. ಅಂಕಗಳನ್ನು ಪಡೆಯುವುದು.
2️⃣ ಒಂದು ಅಂಕದ 8 ಪ್ರಶ್ನೆಗಳಲ್ಲಿ
. ಕನಿಷ್ಠ 4 ಅಂಕಗಳನ್ನು
. ಪಡೆಯುವುದು.
3️⃣ ಎರಡು ಅಂಕಗಳ 8 ಪ್ರಶ್ನೆಗಳಲ್ಲಿ 6
. ಪ್ರಶ್ನೆಗಳನ್ನು ಸರಿಯಾಗಿ
. ಉತ್ತರಿಸುವುದು.
4️⃣ ಮೂರು ಅಂಕಗಳ 9 ಪ್ರಶ್ನೆಗಳಲ್ಲಿ
. ಕನಿಷ್ಠ 4 ನ್ನು ಉತ್ತರಿಸುವುದು.
5️⃣ ನಾಲ್ಕು ಅಂಕಗಳ 4 ಪ್ರಶ್ನೆಗಳಲ್ಲಿ
. ಕನಿಷ್ಠ 2 ಉತ್ತರಿಸುವುದು.
6️⃣ 5 ಅಂಕಗಳಿಗೆ ಪ್ರಮೇಯ
. ಕೇಳಿದರೆ ಉತ್ತರಿಸುವುದು
*ಬಹು ಆಯ್ಕೆಯ ಮತ್ತು ಒಂದು ಅಂಕದ ಪ್ರಶ್ನೆಗಳು ಇವುಗಳ ಮೇಲೆ ಬರಬಹುದಾದ ಸಾಧ್ಯತಗಳು ಅಧಿಕವಾಗಿವೆ*
1. ಅವಿಭಾಜ್ಯ ಮತ್ತು ಸಂಯುಕ್ತ ಸಂಖ್ಯೆಗಳು
2. ಅಂಕಗಣಿತದ ಮೂಲ ಪ್ರಮೇಯ
3. ಒಂದು ಸಂಖ್ಯೆಯನ್ನು ಅವಿಭಾಜ್ಯ ಅಪವರ್ತನಗಳ ಗುಣಲಬ್ಧವಾಗಿ ವ್ಯಕ್ತಪಡಿಸುವುದು
4. ಎರಡು ಸಂಖ್ಯೆಗಳ ಮ. ಸಾ. ಅ. ಮತ್ತು ಲ. ಸಾ. ಅ.
5. n ನೇ ಪದ ಕೊಟ್ಟಾಗ ಒಂದು ಪದವನ್ನು ಕಂಡು ಹಿಡಿಯುವುದು.
6. ಮೂರು ಪದಗಳನ್ನು ಕೊಟ್ಟಾಗ ಮಧ್ಯದ ಪದ ಕಂಡುಹಿಡಿಯುವುದು
7. ಸಾಮಾನ್ಯ ವ್ಯತ್ಯಾಸ ಬರೆಯುವುದು
. 8. ವರ್ಗ ಬಹುಪದೋಕ್ತಿಯ
. ಆದರ್ಶ ರೂಪ
9. ಬಹುಪದೋಕ್ತಿಯ ಡಿಗ್ರಿ
10. ವರ್ಗ ಬಹುಪದೋಕ್ತಿಯ ಶೂನ್ಯತೆಗಳ ಮೊತ್ತ ಮತ್ತು ಗುಣಲಬ್ದ
11. ಶೂನ್ಯತಗಳ ಮೊತ್ತ ಮತ್ತು ಗುಣಲಬ್ದ ಕೊಟ್ಟಾಗ ವರ್ಗ ಬಹುಪದೋಕ್ತಿಯನ್ನು ಬರೆಯುವುದು.
12. ಏಕಕಾಲಿಕ ಸಮೀಕರಣಗಳ ಸಾಮಾನ್ಯ ರೂಪ
13. ಏಕಕಾಲಿಕ ಸಮೀಕರಣಗಳ ಸಹಗುಣಕಗಳ ಅನುಪಾತಗಳು
14. ವರ್ಗ ಸಮೀಕಾರಣದ ಆದರ್ಶರೂಪ
15. ವರ್ಗಸಮೀಕರಣದ ಶೋಧಕ
16. ಸಮಾಂತರ ಶ್ರೇಡಿಯ ಸೂತ್ರಗಳು
17. n ನೇ ಪದ ಕೊಟ್ಟಾಗ ಒಂದು ಪದವನ್ನು ಕಂಡು ಹಿಡಿಯುವುದು.
18. ಸಾಮಾನ್ಯ ವ್ಯತ್ಯಾಸ ಬರೆಯುವುದು
19. ಥೇಲ್ಸ್ ನ ಪ್ರಮೇಯ ಮತ್ತು ಅದರ ವಿಲೋಮದ ನಿರೂಪಣೆ
20. ದೂರ ಸೂತ್ರ, ಭಾಗ ಪ್ರಮಾಣ ಸೂತ್ರ, ಮಧ್ಯ ಬಿಂದು ಸೂತ್ರ
21. ಮೂಲಬಿಂದುವಿನಿಂದ ಒಂದು ಬಿಂದುವಿಗಿರುವ ದೂರ
22. ತ್ರಿಕೊನಮಿತಿಯ ಅನುಪಾತಗಳು
23. ತ್ರಿಕೊನಮಿತಿಯ ನಿರ್ದಿಷ್ಟ ಕೊನದ ಅನುಪಾತಗಳು
24. ಸ್ಪರ್ಶಕ, ಛೇದಕ, ಸ್ಪರ್ಶಬಿಂದು
25. ಸ್ಪರ್ಶಕ ಎಳೆದಾಗ ಉಂಟಾಗುವ ಕೋನಗಳು
26. ತ್ರಿಜ್ಯಾಂತರ ಖಂಡದ ವಿಸ್ತೀರ್ಣ ಮತ್ತು ಕಂಸದ ಉದ್ದದ ಸೂತ್ರ
27. ಸಿಲಿಂಡರ್, ಶಂಕು, ಅರ್ಧಗೋಳ, ಗೋಳ ಇವುಗಳ ಪಾರ್ಶ್ವ ಮತ್ತು ಪೂರ್ಣ ಮೇಲ್ಮಾಯಿ ವಿಸ್ತೀರ್ಣದ ಸೂತ್ರಗಳು
28. ಸಂಭವನೀಯತೆ ಸೂತ್ರ
29. ಪೂರಕ ಘಟನೆಯ ಸಂಭವನೀಯತೆ
30. ಖಚಿತ ಮತ್ತು ಅಸಂಭವ ಘಟನೆ
*ಎರಡು ಅಂಕಗಳಿಗೆ ಈ ಕೆಳಗಿನ ವಿಷಯಗಳಿಗೆ ಮಹತ್ವ ಇರಲಿ*
1. ಅಭಾಗಲಬ್ಧ ಸಂಖ್ಯೆ ಎಂದು ಸಾಧಿಸಿ.
2. ಅವಿಭಾಜ್ಯ ಅಪವರ್ತನ ವಿಧಾನದಿಂದ ಮ.ಸಾ.ಅ ಅಥವಾ ಲ.ಸಾ.ಅ ಕಂಡುಹಿಡಿಯಿರಿ
3. ಬಹುಪದೋಕ್ತಿಯ ಶೂನ್ಯತೆ ಕಂಡುಹಿಡಿಯಿರಿ
4. ವರ್ಜಿಸುವ ವಿಧಾನದಿಂದ ಸಮೀಕರಣ ಬಿಡಿಸಿ
5. ವರ್ಗಸಮಿಕರಣವನ್ನು ಅಪವರ್ತನ ವಿಧಾನದಿಂದ ಬಿಡಿಸಿ
6. ಶೋಧಕಕ್ಕೆ ಸಂಬಂಧಿಸಿದ ಲೆಕ್ಕ
7. ಬಾಹುಗಳ ಅನುಪಾತಕ್ಕೆ ಸಂಬಂಧಿಸಿದ ಲೆಕ್ಕ
8. ಎರಡು ಬಿಂದುಗಳ ನಡುವಿನ ದೂರ ಕಂಡುಹಿಡಿಯುವುದು
9. ಲಂಬಕೋನ ತ್ರಿಭುಜದ ಚಿತ್ರದಲ್ಲಿ ತ್ರಿಕೋನ ಮಿತಿ ಅನುಪಾತ ಬರೆಯುವುದು
10. ಸಂಭವನಿಯತೆ ಸಂಭಂದಿಸಿದ ಒಂದು ಲೆಕ್ಕ.
*ಮೂರು ಅಂಕಗಳಿಗೆ ಈ ಕೆಳಗಿನವುಗಳಿಗೆ ಹೆಚ್ಚು ಮಹತ್ವ ಇರಲಿ*
1. ಅಭಾಗಲಬ್ಧ ಸಂಖ್ಯೆ ಎಂದು ಸಾಧಿಸಿ ( ಉದಾ: ರೂಟ್ 5)
2. ಬಹುಪದೋಕ್ತಿಯ ಶೂನ್ಯತೆ ಕಂಡುಹಿಡಿದು ಸಹಗುಣಕದೊಂದಿಗೆ ಸಂಬಂಧ ತಾಳೆನೋಡುವುದು
3. ಭಾಗಪ್ರಮಾಣಸೂತ್ರದ ಒಂದು ಲೆಕ್ಕ
4. ಸರಾಸರಿ, ಬಹುಲಕ ಅಥವಾ ಮಧ್ಯಾಂಕ ಕಂಡುಹಿಡಿಯಿರಿ
5. ವೃತ್ತದ ಮೇಲಿನ ಪ್ರಮೇಯ
6. ಸಂಭವನೀಯತೆ ಸಂಬಂಧಿಸಿದ ಲೆಕ್ಕ
*ನಾಲ್ಕು ಅಂಕಗಳಿಗೆ*
1.ಪ್ರಮೇಯ
(5ಅಂಕಗಳಿಗೆ ಬರಲೂ ಬಹುದು)
2. ಏಕಕಾಲಿಕ ಸಮೀಕರಣವನ್ನು ನಕ್ಷೆಯ ಸಹಾಯದಿಂದ ಬಿಡಿಸಿ
*ವಿದ್ಯಾರ್ಥಿಗಳೇ ಈ ಮೇಲಿನ ಅಂಶಗಳನ್ನು ಗಮನದಲ್ಲಿಟ್ಟು ಅಧ್ಯಯನ ಮಾಡಿದರೆ ಕನಿಷ್ಠ 40-50 ಅಂಕಗಳನ್ನು ನಿಸ್ಸಂಶಯವಾಗಿ ಪಡೆಯಬಹುದು*
*ಬಿಸಿಲಿನ ತಾಪ ವಿಪರೀತವಾಗಿದ್ದು ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಿ. ಯಾವುದೇ ಸಾಫ್ಟ್ ಡ್ರಿಂಕ್ಸ್ ಹಾಗೂ ಜಂಕ್ ಫುಡ್ ಗಳನ್ನು ತಿನ್ನುವುದರಿಂದ ದೂರವಿರಿ. ಸಾಕಷ್ಟು ನೀರು ಕುಡಿಯಿರಿ. ಮಜ್ಜಿಗೆ ಹಾಗೂ ಸಾಧ್ಯವಿದ್ದರೆ ಎಳನೀರು ಸೇವಿಸಿ. ಲಿಂಬೆ ಹಣ್ಣಿನ ಪಾನಕ (ಕಡಿಮೆ ಸಕ್ಕರೆ ಬಳಸಿ) ಸೇವಿಸಿ*
*ತೀರಾ ನಿದ್ದೆಗೆಡುವುದು ಉತ್ತಮವಲ್ಲ. ಇನ್ನುಳಿದ ದಿನಗಳಲ್ಲಿ ಶಿಸ್ತು ಬದ್ಧವಾಗಿ ಅಧ್ಯಯನ ಮಾಡಿದರೆ ಯಶಸ್ಸು ನಿಮ್ಮದಾಗಲಿದೆ. ನಿಮ್ಮ ಭವಿಷ್ಯವನ್ನು ರೂಪಿಸುವವರು ನೀವೇ ಆಗಿರುತ್ತೀರಿ ಎಂಬುವುದು ನೆನಪಿರಲಿ. ನಾವೆಲ್ಲರೂ ಕೇವಲ ಸಲಹೆಗಳ ಮೂಲಕ ದಾರಿ ತೋರಬಹುದಷ್ಟೇ*
*ಎಲ್ಲರಿಗೂ All the best*
👍👍🥰🥰🖊️
No comments:
Post a Comment