Annual life Certificate: ಸರ್ಕಾರದ ನಿಯಮದ ಪ್ರಕಾರ ಪ್ರತಿ ವರ್ಷ ನವೆಂಬರ್ 30ರೊಳಗೆ ಪಿಂಚಣಿದಾರರು ವಾರ್ಷಿಕ ಜೀವನ ಪ್ರಮಾಣಪತ್ರವನ್ನು ಸರ್ಕಾರಕ್ಕೆ ಸಲ್ಲಿಸಬೇಕು. ನಿವೃತ್ತಿ ನಂತರ ವ್ಯಕ್ತಿಗಳಿಗೆ ಆರ್ಥಿಕವಾಗಿ ಸಹಾಯ ಮಾಡಲು ಸರ್ಕಾರವು ವಿವಿಧ ಪ್ರಾಯೋಜಿತ ಪಿಂಚಣಿ ಯೋಜನೆಗಳನ್ನು ಪರಿಚಯಿಸಿದೆ.
ಆದರೆ ಆ ಪಿಂಚಣಿಯನ್ನು ಪಡೆಯಲು ಅರ್ಹ ವ್ಯಕ್ತಿಗಳು ತಮ್ಮ ಖಾತೆಗೆ ಪಿಂಚಣಿ ವಿತರಿಸಲು ಅಧಿಕಾರ ಹೊಂದಿರುವ ಸಂಸ್ಥೆಗೆ ಜೀವನ ಪ್ರಮಾಣಪತ್ರವನ್ನು ಒದಗಿಸಬೇಕಾಗುತ್ತದೆ.
ಜೀವನ್ ಪ್ರಮಾಣ ಪ್ರಮಾಣ ಪತ್ರವು ಭಾರತದ ಸರ್ಕಾರದ ಪಿಂಚಣಿ ಯೋಜನೆಯ ಡಿಜಿಟಲ್ ಲೈಫ್ ಪ್ರಮಾಣಪತ್ರವಾಗಿದೆ. ಇದನ್ನು ನವೆಂಬರ್ 10, 2014 ರಂದು ಪರಿಚಯಿಸಲಾಯಿತು. ಪಿಂಚಣಿದಾರರು ತಮ್ಮ ವಾರ್ಷಿಕ ಜೀವನ ಪ್ರಮಾಣ ಪತ್ರವನ್ನು 6 ವಿಭಿನ್ನ ವಿಧಾನಗಳಲ್ಲಿ ಸಲ್ಲಿಸಬಹುದು. ಜೀವನ ಪ್ರಮಾಣಪತ್ರವನ್ನು ಒದಗಿಸಲು ವಿತರಣಾ ಏಜೆನ್ಸಿಯ ಕಚೇರಿಗೆ ಹೋಗುವ ಬದಲು, ಆಧಾರ್-ಸಕ್ರಿಯಗೊಳಿಸಿದ ಬಯೋಮೆಟ್ರಿಕ್ ದೃಢೀಕರಣ ವಿಧಾನವನ್ನು ಬಳಸಿಕೊಂಡು ಡಿಜಿಟಲ್ ಲೈಫ್ ಸರ್ಟಿಫಿಕೇಟ್ ರಚಿಸಬಹುದು.
1. ಪಿಂಚಣಿದಾರರು ತಮ್ಮ ಆಧಾರ್ ಸಂಖ್ಯೆ ಹಾಗೂ ಪಿಂಚಣಿ ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಇತರ ಮಾಹಿತಿಯನ್ನು ಬಳಸಿಕೊಂಡು ಹತ್ತಿರದ CSC ಕೇಂದ್ರ, ಬ್ಯಾಂಕ್ ಶಾಖೆ ಅಥವಾ ಜೀವನ ಪ್ರಮಾಣದಲ್ಲಿ ಲೊಕೇಟ್ ಸೆಂಟರ್ ಅಡಿಯಲ್ಲಿ ವಿವರಗಳನ್ನು ಒದಗಿಸುವ ಯಾವುದೇ ಸರ್ಕಾರಿ ಕಚೇರಿಗೆ ಭೇಟಿ ನೀಡುವ ಮೂಲಕ ನಿರ್ದಿಷ್ಟ ಸಮಯದಲ್ಲಿ ತಮ್ಮ ಜೀವನ ಪ್ರಮಾಣಪತ್ರಗಳನ್ನು ಬಯೋಮೆಟ್ರಿಕ್ ಆಗಿ ದೃಢೀಕರಿಸಬಹುದು.
ಡಿಜಿಟಲ್ ಪ್ರಮಾಣಪತ್ರವನ್ನು ಯಶಸ್ವಿಯಾಗಿ ಸಲ್ಲಿಸಿದ ನಂತರ ಪಿಂಚಣಿದಾರರ ಮೊಬೈಲ್ ನಂಬರಿಗೆ ಟೆಕ್ಸ್ಟ್ ಮೆಸೇಜ್ ಬರುತ್ತದೆ. ಈ ಟಾನ್ಸಾಕ್ಷನ್ ಐಡಿ ಸಹಾಯದಿಂದ jeevanpramaan.gov.in.ವೆಬ್ಸೈಟ್ನಿಂದ ಪಿಂಚಣಿದಾರರು ಕಂಪ್ಯೂಟರ್ ರಚಿತ ಜೀವನ ಪ್ರಮಾಣ ಪತ್ರವನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು. ಸಂಪೂರ್ಣ ಕಾರ್ಯ ವಿಧಾನವು ಆಧಾರ್ ಆಧಾರಿತವಾಗಿರುವುದರಿಂದ ಪಿಂಚಣಿದಾರರ ಖಾತೆಯು ಆಧಾರ್ ನಂಬರ್ನೊಂದಿಗೆ ಸೀಡ್ ಮಾಡಿದಾಗ ಮಾತ್ರ ಅವರು ನೀಡಿದ ಡಿಜಿಟಲ್ ಜೀವನ್ ಪ್ರಮಾಣಪತ್ರವನ್ನು ದೃಢೀಕರಿಸಲಾಗುತ್ತದೆ.
2. ಪಿಂಚಣಿದಾರರು ಜೀವನ್ ಪ್ರಮಾಣ್ ಪೋರ್ಟಲ್ ಮೂಲಕ ತಮ್ಮ ಲೈಫ್ ಸರ್ಟಿಫಿಕೇಟನ್ನು ಸಲ್ಲಿಸಬಹುದು. ಪಿಂಚಣಿದಾರರು ಪೋರ್ಟಲ್ನಿಂದ ಜೀವನ್ ಪ್ರಮಾಣ್ ಆಪ್ ಡೌನ್ಲೋಡ್ ಮಾಡಿಕೊಳ್ಳಬೇಕು. ಜೊತೆಗೆ UIDAIಗೆ ಅಗತ್ಯವಿರುವ ಪರಿಕರಗಳನ್ನು ಬಳಸಿಕೊಂಡು ಫಿಂಗರ್ಪ್ರಿಂಟ್ ಸಲ್ಲಿಸಬೇಕು. ಫಿಂಗರ್ಪ್ರಿಂಟ್ ರೀಡರನ್ನು ಸ್ಮಾರ್ಟ್ಫೋನ್ಗೆ ಸಂಪರ್ಕಿಸಲು, OTG ಕೇಬಲ್ ಬಳಸಬಹುದು.
3. UIDAI ಆಧಾರ್ ಆಧಾರಿತ ಫೇಸ್ ಅಥೆಂಟಿಕೇಶನ್ ತಂತ್ರಜ್ಞಾನದ ಮೂಲಕವೂ ಪಿಂಚಣಿದಾರರು ಜೀವನ ಪ್ರಮಾಣಪತ್ರಗಳನ್ನು ಸಲ್ಲಿಸಬಹುದು. ಯಾವುದೇ ಆಂಡ್ರಾಯ್ಡ್ ಆಧಾರಿತ ಸ್ಮಾರ್ಟ್ಫೋನ್ ಬಳಸಿ ಪಿಂಚಣಿದಾರರ ಲೈವ್ ಸ್ನ್ಯಾಪ್ಶಾಟ್ ಸೆರೆ ಹಿಡಿದು, ಅದನ್ನು ಆನ್ಲೈನ್ನಲ್ಲಿ ಜೀವನ್ ಪ್ರಮಾಣ್ ಮೊಬೈಲ್ ಅಪ್ಲಿಕೇಶನ್ಗೆ ಅಪ್ಲೋಡ್ ಮಾಡಬಹುದು.
4. ನವೆಂಬರ್ 2020 ರಲ್ಲಿ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಮತ್ತು ಅಂಚೆ ಇಲಾಖೆ ಜಂಟಿಯಾಗಿ ಪೋಸ್ಟ್ಮ್ಯಾನ್ ಮೂಲಕವೂ ಡಿಜಿಟಲ್ ಲೈಫ್ ಪ್ರಮಾಣಪತ್ರವನ್ನು ಸಲ್ಲಿಸಲು ಡೋರ್ ಸ್ಟೆಪ್ ಸೇವೆಯನ್ನು ಪರಿಚಯಿಸಿತು. ಈ ಸೇವೆಯನ್ನು ಬಳಸಿಕೊಂಡು ಜೀವನ ಪ್ರಮಾಣಪತ್ರವನ್ನು ಸಲ್ಲಿಸಲು ಪಿಂಚಣಿದಾರರು ಗೂಗಲ್ ಪ್ಲೇ ಸ್ಟೋರ್ನಿಂದ Postinfo ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಳ್ಳಬೇಕು.
5. ಪಿಂಚಣಿದಾರರು ನಿಯೋಜಿತ ಅಧಿಕಾರಿ ಸಹಿ ಮಾಡಿದ ಜೀವನ ಪ್ರಮಾಣಪತ್ರವನ್ನು ಸಲ್ಲಿಸಿದರೆ ವೈಯಕ್ತಿಕ ಉಪಸ್ಥಿತಿಯ ಅಗತ್ಯವಿಲ್ಲ. CPAO ನೀಡಿದ ಸ್ಕೀಮ್ ಬುಕ್ಲೆಟ್ನ ಪ್ಯಾರಾಗ್ರಾಫ್ 14.3 ರ ಪ್ರಕಾರ, ಅಗತ್ಯ ಸ್ವರೂಪದಲ್ಲಿ ಮತ್ತು ಅಗತ್ಯವಿರುವ ಸಹಿಯೊಂದಿಗೆ ಜೀವನ ಪ್ರಮಾಣಪತ್ರವನ್ನು ಸಲ್ಲಿಸುವ ಪಿಂಚಣಿದಾರರಿಗೆ ವೈಯಕ್ತಿಕವಾಗಿ ಹಾಜರಾಗಲು ವಿನಾಯಿತಿ ನೀಡಲಾಗುತ್ತದೆ.
6. ದೇಶಾದ್ಯಂತ 100 ಪ್ರಮುಖ ನಗರಗಳಲ್ಲಿರುವ ತನ್ನ ಗ್ರಾಹಕರಿಗೆ 12 ಸಾರ್ವಜನಿಕ ವಲಯದ ಬ್ಯಾಂಕ್ಗಳಿಂದ ಮಾಡಲ್ಪಟ್ಟಿರುವ ಅಲಯನ್ಸ್, ಡೋರ್ಸ್ಟೆಪ್ ಬ್ಯಾಂಕಿಂಗ್ ಸೇವೆಯನ್ನು ನೀಡುತ್ತಿದೆ. ಡೋರ್ ಸ್ಟೆಪ್ ಬ್ಯಾಂಕಿಂಗ್ ಅಡಿಯಲ್ಲಿ, PSB ಅಲೈಯನ್ಸ್ ಜೀವನ ಪ್ರಮಾಣಪತ್ರಗಳನ್ನು ಸಂಗ್ರಹಿಸುತ್ತಿದೆ. ಈ ಸೇವೆಯ ಅಡಿಯಲ್ಲಿ ಡಿಎಸ್ಬಿ ಪ್ರತಿನಿಧಿಯು ನಿಮ್ಮ ಮನೆಗೆ ಬರುತ್ತಾರೆ. ಮೊಬೈಲ್ ಆಪ್, ವೆಬ್ಸೈಟ್ ಅಥವಾ ಟೋಲ್ ಫ್ರೀ ನಂಬರ್ ಈ ಮೂರರಲ್ಲಿ ಯಾವುದನ್ನಾದರೂ ಬಳಸಿಕೊಂಡು ಪಿಂಚಣಿದಾರರು ಡೋರ್ಸ್ಟೆಪ್ ಬ್ಯಾಂಕಿಂಗ್ ಸೇವೆಯನ್ನು ಪಡೆಯಬಹುದು.
No comments:
Post a Comment